ಮುಖಪುಟ /ನಮ್ಮದೇವಾಲಯಗಳು

ಚಿಮ್ಮನಹಳ್ಳಿಯ ಸುಕ್ಷೇತ್ರ ಶ್ರೀಮುನೀಶ್ವರ ದೇವಾಲಯ

Chimmnahalli Muneswara Temple, Turuvekere,ಚಿಮ್ಮನಹಳ್ಳಿ ಮುನೀಶ್ವರ ದೇವಾಲಯ, ತುರುವೇಕೆರೆ, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ತೆಂಗಿನನಾಡು ತುರುವೇಕೆರೆ ತಾಲೂಕು ಕೇಂದ್ರಕ್ಕೆ 2೦ ಕಿಲೋ ಮೀಟರ್ ದೂರದಲ್ಲಿರುವ ಗ್ರಾಮವೇ ಚಿಮ್ಮನಹಳ್ಳಿ. ನೂರಾರು ವರ್ಷಗಳಿಂದ ಮುನೀಶ್ವರ ಬಾರೆ ಎಂದು ಕರೆಸಿಕೊಂಡಿದ್ದ ಸ್ಥಳವೇ, ಇಂದು  ಸುಕ್ಷೇತ್ರವಾಗಿ ಖ್ಯಾತಿಪಡೆದಿರುವುದು ಇಲ್ಲಿ ಪ್ರತಿಷ್ಠಾಪಿಸಲಾಗಿರುವ ಶ್ರೀ ಮುನೀಶ್ವರಸ್ವಾಮಿಯ ಮಹಿಮೆಯಿಂದ.

ಐತಿಹ್ಯ: ಚಿಮ್ಮನಹಳ್ಳಿಯಿಂದ 1 ಕಿಲೋ ಮೀಟರ್ ದೂರದಲ್ಲಿನ ಈ ಮುನೀಶ್ವರ ಬಾರೆಯಲ್ಲಿ ಜಡೆ ಮುನೀಶ್ವರ ಸ್ವಾಮಿ ಸರ್ಪದ ರೂಪದಲ್ಲಿ ಸಂಚರಿಸುತ್ತಾ ಸುತ್ತ ಮುತ್ತಲಿನ ರೈತಾಪಿ ವರ್ಗದ ಆಸ್ತಿಪಾಸ್ತಿಗಳನ್ನು ಸಂರಕ್ಷಿಸುತ್ತಾ  ಅವರ ಭಕ್ತಿಗೆ ಪಾತ್ರವಾಗಿದೆ. ಇಷ್ಟ ದೈವವಾಗಿ ನಿತ್ಯ ಪೂಜೆಗೊಂಡಿದೆ. ಅತ್ಯಂತ ಪ್ರಾಚೀನವಾದ ಹಾಗೂ ಬೃಹದಾಕಾರವಾಗಿ ಬೆಳೆಯುತ್ತಿರುವ ಬಿಳಿ ಎಕ್ಕದ ಗಿಡದ ಬುಡದಲ್ಲಿ ನೆಲೆಸಿದೆ.  ಒಮ್ಮೆ ಈ ಊರಿನ ಮಹಾನ್ ದೈವಭಕ್ತರಾದ ಶ್ರೀ ರಂಗಪ್ಪ ಎಂಬುವರ ಕನಸಿನಲ್ಲಿ ಬಂದ ಜಡೆ ಮುನೀಶ್ವರ ಸ್ವಾಮಿ, ತಾನು ಎಕ್ಕದ ಗಿಡದ ಬುಡದಲ್ಲಿ ನೆಲೆಸಿರುವುದಾಗಿ ತಿಳಿಸಿ ತನಗೊಂದು ಗುಡಿ ಕಟ್ಟಿಸುವಂತೆ ಆಣತಿಯಿತ್ತರು.

ಶ್ರೀ ರಂಗಪ್ಪನವರು ಈ ಕನಸಿನ ಬಗ್ಗೆ ತಮ್ಮ ಕುಟುಂಬದವರಿಗೆ ತಿಳಿಸಿದರು. ಗುರು-ಹಿರಿಯರೊಂದಿಗೆ ಚರ್ಚಿಸಿ ದೇವರು ಅಪ್ಪಣೆಕೊಡಿಸಿದ ಸ್ಥಳದಲ್ಲಿ ದೇವಾಲಯ ನಿರ್ಮಾಣಕ್ಕೆ ಕೈಹಾಕಿದರು. ತಮ್ಮ ಸ್ವಪ್ನದಲ್ಲಿ ಕಾಣಿಸಿಕೊಂಡ ಸ್ವಾಮಿಯ ರೂಪವನ್ನು ಕಲ್ಪಿಸಿಕೊಂಡು ಅದರಂತೆಯೇ ಶಿಲಾಪ್ರತಿಮೆ ಮಾಡಿಸಲು ಊರೂರು ಅಲೆದರೂ ಪ್ರಯೋಜನವಾಗಲಿಲ್ಲ.

ಸ್ವಾಮಿಯ ಪ್ರೇರಣೆಯಂತೆ ಶ್ರೀ ರಂಗಪ್ಪನವರು ದೇChimmnahalli Muneswara Temple, Turuvekere,ಚಿಮ್ಮನಹಳ್ಳಿ ಮುನೀಶ್ವರ ದೇವಾಲಯ, ತುರುವೇಕೆರೆ, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ವತಾಮೂರ್ತಿ ನಿರ್ಮಿಸುವ ಕಾರ್ಯವನ್ನು ಶಿರಾ ತಾಲೂಕಿನ ಉಂಜನಾಳು ಗ್ರಾಮದ ಶಿಲ್ಪಿ ಶ್ರೀ ಬಸವಾಚಾರ್ ಎಂಬುವವರಿಗೆ ಒಪ್ಪಿಸಿದರು. ಶ್ರೀ ರಂಗಪ್ಪನವರು ಹೇಳಿದ ರೂಪದಲ್ಲಿ ಸ್ವಾಮಿಯ ಪ್ರತಿಮೆಯನ್ನು ಕಲ್ಪಿಸಿಕೊಳ್ಳಲೂ ಶಿಲ್ಪಿಗಳಿಗೆ ಆಗಲಿಲ್ಲ. ಆದರೆ ಕೆಲಸ ಒಪ್ಪಿಕೊಂಡಿದ್ದ ಶಿಲ್ಪಿಗಳು ಇದೇ ಸಂದಿಗ್ಧದಲ್ಲಿದ್ದಾಗ ಅವರ ಕನಸಿನಲ್ಲಿ ಸ್ವಾಮಿ ತನ್ನ ನಿಜ ಸ್ವರೂಪದಲ್ಲಿ ದರ್ಶನವಿತ್ತನಂತೆ. ಸ್ವಪ್ನದಲ್ಲಿ ಸ್ವಾಮಿಯನ್ನು ಕಂಡ ಶಿಲ್ಪಿಗಳು ಅದೇ ರೂಪದ ವಿಗ್ರಹ ಕಡೆದರು. ಶ್ರೀ ರಂಗಪ್ಪನವರು ಸ್ವಪ್ನದಲ್ಲಿ ಕಂಡ ಸ್ವರೂಪದ ಪ್ರತಿರೂಪ ಅಲ್ಲಿ ವಿಗ್ರಹವಾಗಿ ರೂಪುತಳೆದಿತ್ತು. 1997ರ ಫೆಬ್ರವರಿ 13, 14 ಹಾಗೂ 15ರಂದು ಮೂರು ದಿನಗಳ ಕಾಲ ನಡೆದ ಧಾರ್ಮಿಕ ಸಮಾರಂಭದಲ್ಲಿ ಶಾಸ್ತ್ರೋಕ್ತವಾಗಿ ದೇವತಾ ಮೂರ್ತಿಗಳ ಪ್ರತಿಷ್ಠಾಪನೆ ನೆರವೇರಿತು.

ದೇವಾಲಯದ ಪ್ರಧಾನ ಗರ್ಭಗೃಹದಲ್ಲಿ ಐದು ಅಡಿ ಎತ್ತರದ ಸುಂದರ ಮೂರ್ತಿ ತನ್ನ ಎಡಗೈಯಲ್ಲಿ ಸರ್ಪಹಿಡಿದಿದ್ದರೆ, ಬಲಗೈ ಅಭಯಮುದ್ರೆಯಲ್ಲಿದೆ. ಭಕ್ತರನ್ನು ಹರಸುತ್ತಿರುವ ಹಾಗೂ ಶಿರದಲ್ಲಿ ಐದು ಹೆಡೆಯ ಸರ್ಪವನ್ನು ಧರಿಸಿರುವ ಶ್ರೀ ಮುನೀಶ್ವರಸ್ವಾಮಿಯ ಮೂರ್ತಿ ವಿರಾಜಮಾನವಾಯ್ತು.

Chimmnahalli Muneswara Temple, Turuvekere,ಚಿಮ್ಮನಹಳ್ಳಿ ಮುನೀಶ್ವರ ದೇವಾಲಯ, ತುರುವೇಕೆರೆ, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ಅಂದಿನಿಂದಲೂ ಜಡೆಮುನೀಶ್ವರಸ್ವಾಮಿ ತನ್ನ ದರ್ಶನಕ್ಕೆ ಬರುವ ಭಕ್ತರ ಇಷ್ಟಾರ್ಥಗಳನ್ನು ಈಡೇರಿಸುತ್ತಾ, ಅವರ ಸಂಕಷ್ಟಗಳನ್ನು ಪರಿಹರಿಸುತ್ತಾ ಇಲ್ಲಿಯೇ ನೆಲೆಸಿದ್ದಾನೆ ಎನ್ನುತ್ತಾನೆ ಊರ ಹಿರಿಯರು.ನೆನೆದವರ ಪಾಲಿಗೆ ಈ ಸ್ವಾಮಿಯು ಸರ್ಪರೂಪದಲ್ಲಿ ಗೋಚರಿಸುವುದನ್ನು ಇಂದಿಗೂ ಕಂಡಿರುವ ಅನೇಕ ನಿದರ್ಶನಗಳಿವೆ. ಜೊತೆಗೆ ಸ್ವಾಮಿಯು ಕ್ಷಿಪ್ರವರ ಪ್ರದಾಯಕನೆಂದೇ ಪ್ರಸಿದ್ಧನಾಗಿದ್ದಾನೆ.

ಹೀಗೆ ಈ ಸ್ವಾಮಿಯ ಮಹಿಮೆ ಅಪಾರವಾಗಿದೆ. ವಿವಾಹವಾಗಿಯೂ ಬಹುಕಾಲ ಮಕ್ಕಳಿಲ್ಲದವರು ಇಲ್ಲಿ ಬಂದು ಹರಕೆ ಹೊತ್ತು ಸಂತಾನ ಭಾಗ್ಯ ಪಡೆಯುತ್ತಿದ್ದಾರೆ. ಅಂತಹವರು ದೇವರಿಗೆ ಹರಕೆ ತೀರಿಸುವ ಹಲವು ಸಂಗತಿಗಳು ಇಲ್ಲಿ ನಡೆಯುತ್ತಿವೆ. ಉದ್ಯೋಗವಿಲ್ಲದೆ ಕಷ್ಟ ಪಡುತ್ತಿದ್ದವರು ಹರಕೆ ಹೊತ್ತು ಉತ್ತರರೋತ್ತರ ಅಭಿವೃದ್ಧಿ ಹೊಂದಿದ ನಿದರ್ಶನಗಳಿವೆ. ಗ್ರಹಗತಿಗಳ ಹಾಗೂ ಭೂತಚೇಷ್ಟೆಗಳ ಪೀಡೆಗೆ ಒಳಗಾದವು ಈ ಸ್ವಾಮಿಯ ನೆಲೆಗೆ ಬಂದು ಪರಿಹಾರ ಪಡೆದು ಕಥೆಯನ್ನು ಓದಿಸಿ ತಮ್ಮ ಹರಕೆಗಳನ್ನು ತೀರಿಸುತ್ತಾರೆ.

ಪ್ರತಿ ವರ್ಷ ದೇವಾಲಯದಲ್ಲಿ ವಾರ್ಷಿಕೋತ್ಸವ ಹಾಗೂ ವಿಶೇಷ ಜಾತ್ರಾ ಮಹೋತ್ಸವ ನಡೆಯುತ್ತದೆ. ಚಿಮ್ಮನಹಳ್ಳಿಯ ಜನತೆಯಷ್ಟೇ ಅಲ್ಲದೆ ದೂರದೂರದ ಊರುಗಳಿಂದ ಕೂಡ ಭಕ್ತರು ಅಪಾರ ಸಂಖ್ಯೆಯಲ್ಲಿ ಇಲ್ಲಿಗೆ ಆಗಮಿಸುತ್ತಾರೆ. ಸುತ್ತಮುತ್ತಲ ಗ್ರಾಮದ ದೇವತೆಗಳ ಉತ್ಸವ ಮೂರ್ತಿಗಳು ಮೆರವಣಿಗೆಯಲ್ಲಿ ಪಾಲ್ಗೊಳ್ಳುತ್ತವೆ. ಜಾತ್ರೆಗೆ ಬರುವ ಸಹಸ್ರಾರು ಭಕ್ತರಿಗೆ ಶ್ರೀರಂಗಪ್ಪ ಹಾಗೂ ಸೋದರರ ಕುಟುಂಬದವರು, ಭಕ್ತಾದಿಗಳ ಸಹಕಾರದೊಂದಿಗೆ ಅನ್ನಸಂತರ್ಪಣೆ ಏರ್ಪಡಿಸುತ್ತಾ ಬಂದಿದ್ದಾರೆ.

Chimmnahalli Muneswara Temple, Turuvekere,ಚಿಮ್ಮನಹಳ್ಳಿ ಮುನೀಶ್ವರ ದೇವಾಲಯ, ತುರುವೇಕೆರೆ, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ಪ್ರತಿ ತಿಂಗಳು ಅಮಾವಾಸ್ಯೆಯ ಹಿಂದಿನ ದಿನ ಇಲ್ಲಿ ಕಟ್ಲೆ ಎಂಬ ವಿಶೇಷ ಸೇವೆ ನಡೆಯುತ್ತದೆ. ಅಂದು ಇಲ್ಲಿಗೆ ಬರುವ ಭಕ್ತರು, ವಿಭೂತಿ ಧಾರಣೆ ಮಾಡಿ, ಇಲ್ಲಿರುವ ಶಿವಲಿಂಗವನ್ನು ಮುಟ್ಟಿ ಬಿಲ್ವಾರ್ಚನೆ ಮಾಡುವ ವಿಶೇಷ ಅವಕಾಶ ಉಂಟು. ಶ್ರೀ ಸ್ವಾಮಿಗೆ ಮಾಡಿದ ಅಭಿಷೇಕದ ತೀರ್ಥವನ್ನು ಭಕ್ತರ ಮೇಲೆ ಪ್ರೋಕ್ಷಣೆ ಮಾಡಲಾಗುತ್ತದೆ. ಶಿವರಾತ್ರಿಯ ದಿನ ಇಲ್ಲಿ ವಿಶೇಷ ಪೂಜಾ ವಿಧಿಗಳು ನಡೆಯುತ್ತವೆ. ರಾತ್ರಿಯಿಡೀ ಭಕ್ತರು, ಭಜನೆಯಲ್ಲಿ ಪಾಲ್ಗೊಂಡು, ಶಿವಕಥೆ, ಹರಿಕಥೆ ಕೇಳಿ ಧನ್ಯತಾಭಾವ ಪಡೆಯುತ್ತಾರೆ. ಅಂದೂ ಸಹ ಅನ್ನಸಂತರ್ಪಣೆ ನಡೆಯುತ್ತದೆ.

ಭಗವತ್ ಪ್ರೇರಣೆಯಿಂದ ಹಾಗೂ ಮಾತೃಶ್ರೀಯವರಾದ ಶ್ರೀಮತಿ ಚನ್ನಮ್ಮನವರ ಹಾಗೂ ಭಕ್ತಾದಿಗಳ  ಅಪೇಕ್ಷೆಯಂತೆ ಶ್ರೀ ರಂಗಪ್ಪನವರು ದೇವಾಲಯದ ಪ್ರಾಕಾರದಲ್ಲಿ ಶ್ರೀ ಮಹಾ ಶಕ್ತಿಗಣಪತಿ ಹಾಗೂ ಶ್ರೀ ಚಾಮುಂಡೇಶ್ವರಿ ಅಮ್ಮನವರ ಮೂರ್ತಿಯನ್ನೂ ಪ್ರತಿಷ್ಠಾಪಿಸಿದ್ದಾರೆ. ನವರಾತ್ರಿಯ ಹತ್ತೂ ದಿನ, ಶಿವರಾತ್ರಿಯ ದಿನ ಹಾಗೂ ಧನುರ್ಮಾಸದಲ್ಲಿ ಇಲ್ಲಿ ವಿಶೇಷ ಪೂಜಾ ವಿಧಿಗಳು ನಡೆಯುತ್ತವೆ.

ಶ್ರೀ ಸ್ವಾಮಿಯ ಸೇವೆಯಲ್ಲಿ ಆಸಕ್ತರಾಗಿರುವ ಭಕ್ತರ ಸೂಕ್ತ ಸಲಹೆ - ಸಹಾಯ ಸಹಕಾರಗಳ ನೆರವಿನಿಂದ ಈಗ ಕಲ್ಲಿನ ಭವ್ಯ ದೇವಾಲಯ ನಿರ್ಮಿಸುವ ಕಾಮಗಾರಿ ಭರದಿಂದ ಸಾಗಿದೆ. ದೇವಾಲಯದ ಸಂಕೀರ್ಣದಲ್ಲಿ ದ್ವಾದಶ ಜ್ಯೋತಿರ್ಲಿಂಗ ಪ್ರತಿಷ್ಠಾಪನೆ, ದೇಗುಲದ ಹೊರಗೆ ಭವ್ಯ ರಾಜಗೋಪುರ ನಿರ್ಮಾಣ, ನವಗ್ರಹಗಳ ಪವಿತ್ರ ವನ, ನವದುರ್ಗೆಯರ ವಿಗ್ರಹ ಪ್ರತಿಷ್ಠಾಪನೆ, ಶ್ರೀಚಕ್ರಸ್ಥಾಪನೆ ಮುಂತಾದವುಗಳನ್ನು ನಿರ್ಮಿಸುವ ಬೃಹತ್ ಯೋಜನೆಗಳು ಶ್ರೀಮುನೀಶ್ವರ ಸ್ವಾಮಿ ಧಾರ್ಮಿಕ ಮತ್ತು ಶೈಕ್ಷಣಿಕ ಟ್ರಸ್ಟ್ (ರಿ)ನ ಗುರಿಯಾಗಿದೆ.

Chimmnahalli Muneswara Temple, Turuvekere,ಚಿಮ್ಮನಹಳ್ಳಿ ಮುನೀಶ್ವರ ದೇವಾಲಯ, ತುರುವೇಕೆರೆ, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ಟ್ರಸ್ಟ್‌ನ ಅಧ್ಯಕ್ಷರಾದ ಶ್ರೀ ಸಿ.ಆರ್. ಮುರುಳೀಧರ್ ಅವರು, ತಮ್ಮನ್ನು ಕಾಯಾ ವಾಚಾ ಮನಸಾ ದೇವರ ಸೇವೆಯಲ್ಲಿ ತೊಡಗಿಸಿಕೊಂಡಿದ್ದು, ಇಲ್ಲಿ ಪ್ರತಿ ನಿತ್ಯ ಪೂಜೆ ನೆರವೇರಿಸುತ್ತಿದ್ದಾರೆ. ಚಿಮ್ಮನಹಳ್ಳಿ ಹಾಗೂ ಸುತ್ತಮುತ್ತಲ ಗ್ರಾಮಗಳ ಬಡ ಮಕ್ಕಳಿಗೆ ಉತ್ತಮ ಗುಣಮಟ್ಟದ ಶಿಕ್ಷಣ ನೀಡಲು ಸುಸಜ್ಜಿತ ಶಿಕ್ಷಣ ಸಂಸ್ಥೆ ಒಂದನ್ನು ಸ್ಥಾಪಿಸುವ ಉದ್ದೇಶವೂ ಟ್ರಸ್ಟ್‌ಗೆ ಇದೆ.

ಹೆಚ್ಚಿನ ಮಾಹಿತಿಗೆ ಶ್ರೀ ಸಿ.ಆರ್. ಮುರುಳೀಧರ್ ಅವರನ್ನು ದೂರವಾಣಿ ಸಂಖ್ಯೆ 9379267562, 08139-311642ಗೆ ಕರೆ ಮಾಡಿ ಸಂಪರ್ಕಿಸಬಹುದು

ಮಾರ್ಗ : ತುಮಕೂರು ಜಿಲ್ಲಾ ಕೇಂದ್ರದಿಂದ 5೦ ಕಿಲೋ ಮೀಟರ್ ದೂರದಲ್ಲಿರುವ ಚಿಮ್ಮನಹಳ್ಳಿಗೆ ಹೋಗಲು ಮೈಸೂರು ಬಸ್ ಹತ್ತಿ, ಕಲ್ಲೂರು ಕ್ರಾಸ್ ಬಳಿ ಇಳಿಯಬೇಕು. ಅಲ್ಲಂದ ಆಟೋದಲ್ಲಿ ದೇವಾಲಯಕ್ಕೆ ಹೋಗಿಬರುವ ವ್ಯವಸ್ಥೆ ಇದೆ. ತುರುವೇಕೆರೆಯಿಂದಲೂ 20 ಕಿಲೋ ಮೀಟರ್ ದೂರದಲ್ಲಿರುವ ಶ್ರೀ ಮುನೀಶ್ವರಸ್ವಾಮಿ ಸುಕ್ಷೇತ್ರಕ್ಕೆ ದೊಡ್ಡಗೊರಘಟ್ಟ ಮಾರ್ಗವಾಗಿ ತಲುಪಬಹುದು. 

ಮುಖಪುಟ; /ನಮ್ಮದೇವಾಲಯಗಳು