ಮುಖಪುಟ /ನಮ್ಮ ದೇವಾಲಯಗಳು  

ಅಘೋರೇಶ್ವರನ ನೆಲೆವೀಡು ಇಕ್ಕೇರಿ
ಕೆಳದಿಯ ಅರಸರ ಕೇಂದ್ರಸ್ಥಾನ..

* ಟಿ.ಎಂ.ಸತೀಶ್

Ikkeri Temple, ಇಕ್ಕೇರಿ ದೇವಾಲಯ, jyotirlinga, ಜ್ಯೋತಿರ್ಲಿಂಗ, ಕನ್ನಡರತ್ನ.ಕಾಂ, ದೇವಾಲಯಗಳ ಮಾಹಿತಿ, ಕರ್ನಾಟಕದ ದೇವಾಲಯಗಳು, kannadaratna.com,  ourtemples.in,ಇಕ್ಕೇರಿ, ಶಿವಮೊಗ್ಗ ಜಿಲ್ಲೆಯ ಸಾಗರ ತಾಲೂಕಿನಲ್ಲಿರುವ ಒಂದು ಪುಟ್ಟ ಗ್ರಾಮ. ಊರು ಚಿಕ್ಕದಾದರೂ ಇದರ ಕೀರ್ತಿ ಮಾತ್ರ ದೊಡ್ಡದು. ಇಕ್ಕೇರಿ 16 ಮತ್ತು 17ನೇ ಶತಮಾನದಲ್ಲಿ ಕೆಳದಿ ಅರಸರ ರಾಜಧಾನಿಯಾಗಿ ವೈಭವದಿಂದ ಮೆರೆದದ್ದು ಈಗ ಇತಿಹಾಸ.

ಸಹ್ಯಾದ್ರಿಯ ಸೆರಗಿನಲ್ಲಿ, ಸುಂದರ ಸಸ್ಯರಾಶಿಯ ನಡುವಿನಲ್ಲಿರುವ ಈ ಗ್ರಾಮ, ವೀರಭದ್ರನಾಯಕನ ಆಡಳಿತ ಕಾಲದಲ್ಲಿ ವಿಜಯನಗರ ಅರಸರ ಅಧೀನದಿಂದ ಬಿಡುಗಡೆಗೊಂಡು ಸ್ವತಂತ್ರ ಸಂಸ್ಥಾನವಾಯಿತು.

ನಂತರದ ಕಾಲದಲ್ಲಿ ಇಕ್ಕೇರಿ ರಾಜಧಾನಿಯ ಪಟ್ಟ ಕಳೆದುಕೊಂಡಿತು. ನಾಯಕರು ತಮ್ಮ ರಾಜಧಾನಿಯನ್ನು ಬಿದನೂರಿಗೆ ವರ್ಗಾಯಿಸಿದರು. ಆದರೂ ಇಕ್ಕೇರಿಗೆ ಇಂದಿಗೂ ಕೆಳದಿ ಅರಸರ ರಾಜಧಾನಿ ಎಂಬ ಹೆಮ್ಮೆಯಿದೆ.

ಇಕ್ಕೇರಿಯ ಸುತ್ತಲೂ ಮೂರು ಸುತ್ತಿನ ವಿಶಾಲವಾದ ಕೋಟೆಯಿತ್ತು ಎಂಬುದನ್ನು ಈಗಲೂ ಅಳಿದುಳಿದ ಅವಶೇಷಗಳು ಸಾರುತ್ತವೆ. ಕೋಟೆಯಲ್ಲಿ ಅರಮನೆ ಮತ್ತು ಭವ್ಯ ಕಟ್ಟಡಗಳಿದ್ದುವು ಎಂಬುದಕ್ಕೂ ಕುರುಹುಗಳಿವೆ.

ಇಂದು ಇಕ್ಕೇರಿಯ ವೈಭವ ಕಾಣಲು ಸಾಧ್ಯವಿಲ್ಲವಾದರೂ, ರಾಜರಾಳ್ವಿಕೆಯ ಗತವೈಭವದ ಕುರುಹಾಗಿ ಅಘೋರೇಶ್ವರ ದೇವಾಲಯ ಉಳಿದುಕೊಂಡಿದೆ. ಬೃಹತ್ ಕಲ್ಲುಕಂಬಗಳು, ಕಲಾತ್ಮಕತೆಯಿಂದ ಕೂಡಿದ ಜಾಲಂದ್ರ ಹಾಗೂ ಸುಂದರ ಶಿಲ್ಪಕಲಾ ಕೆತ್ತನೆಯಿಂದ ಕೂಡಿದ ಭಿತ್ತಿಗಳನ್ನು ಒಳಗೊಂಡ ವಿಶಾಲವಾದ ಪುರಾತನ ದೇವಾಲಯದಲ್ಲಿ ಅಘೋರೇಶ್ವರನನನ್ನು ಪ್ರತಿಷ್ಠಾಪಿಸಲಾಗಿದೆ.

Ikkeri Temple, ಇಕ್ಕೇರಿ ದೇವಾಲಯ, jyotirlinga, ಜ್ಯೋತಿರ್ಲಿಂಗ, ಕನ್ನಡರತ್ನ.ಕಾಂ, ದೇವಾಲಯಗಳ ಮಾಹಿತಿ, ಕರ್ನಾಟಕದ ದೇವಾಲಯಗಳು, kannadaratna.com,  ourtemples.in,ಕೆಳದಿಯನ್ನಾಳಿದ ದೊಡ್ಡ ಸಂಕಣ್ಣನಾಯಕನ ಕಾಲದಲ್ಲಿ ಇಲ್ಲಿ ಅಘೋರೇಶ್ವರನ ದೊಡ್ಡ ದೇವಾಲಯವನ್ನು ಕಟ್ಟಿದನೆನ್ನುತ್ತದೆ ಇತಿಹಾಸ. ಕನ್ನಡದಲ್ಲಿ ಕೇರಿ ಎಂದರೆ ಮನೆ ಅಥವಾ ಅಂಗಡಿ ಸಾಲುಗಳ ಪ್ರದೇಶ ಎಂದರ್ಥ, ಬಹುಶಃ ಇಲ್ಲಿ ಎರಡು ಸಾಲಿನ ಮನೆಗಳ ಎರಡು ರಸ್ತೆ ಇದ್ದ ಕಾರಣ ಇದಕ್ಕೆ ಇಕ್ಕೇರಿ ಎಂದು ಹೆಸರು ಬಂದಿದೆ ಎನ್ನುತ್ತಾರೆ ಊರ ಹಿರಿಯರು.

ಸಾಗರದಿಂದ 3 ಕಿಲೋ ಮೀಟರ್ ದೂರದಲ್ಲಿರುವ ಇಕ್ಕೇರಿ ಅಘೋರೇಶ್ವರನಿಗೆ ಮಲೆನಾಡಿನ ಜನ ಈ ದೇವರ ಬಗ್ಗೆ ಭಕಿಯಿಂದ ನಡೆದುಕೊಳ್ಳುತ್ತಾರೆ.  ವರ್ಷಕ್ಕೊಮ್ಮೆ ಜಾತ್ರೆ ನಡೆಯುತ್ತದೆ. ಹಿಂದೆ ಈ ದೇವಾಲಯದಲ್ಲಿ ಅಪಾರ ಸಂಪತ್ತಿತ್ತು, ಚಿನ್ನ, ಬೆಳ್ಳಿಯ ಆಭರಣಗಳಿದ್ದವು, ಆದರೆ ಸತತ ದಾಳಿಯಲ್ಲಿ ದೇವಾಲಯದ ಸಂಪತ್ತು ಕೊಳ್ಳೆಹೊಡೆಯಲಾಯಿತು ಎಂದು ಇತಿಸಾಜ್ಞರು ಹೇಳುತ್ತಾರೆ. ಇಕ್ಕೇರಿಯ ಬಗ್ಗೆ 16ನೇ ಶತಮಾನದಲ್ಲೇ ಇಟಲಿಯ ಪ್ರವಾಸಿಗ ಬರೆದ ದಾಖಲೆಗಳಿವೆ. ಆರ್.ಕೆ. ನಾರಾಯಣ್ ಸಹ ತಮ್ಮ ಕೃತಿಯಲ್ಲಿ ಇಕ್ಕೇರಿ ದೇವಾಲಯದ ವೈಭವ ವರ್ಣಿಸಿದ್ದಾರೆ. ಕೋಟೆ ಕೊತ್ತಲಗಳಿಂದ ಕೂಡಿದ ಇಕ್ಕೇರಿ ಶಿಲ್ಪಕಲಾ ದೃಷ್ಟಿಯಿಂದಲೂ ದೇವಾಲಯ ಭವ್ಯವಾಗಿದೆ.  ಸೂಕ್ಷ್ಮ ಕೆತ್ತನೆಯಿಂದ ಕೂಡಿದ ದೇವಾಲಯ ಅಧ್ಯಯನಿಗಳಿಗೆ ಆಕರವಾಗಿದೆ.

ಸಂಪರ್ಕ: ನಿರ್ದೇಶಕರು, ಪ್ರವಾಸೋದ್ಯಮ ಇಲಾಖೆ, ಖನಿಜ ಭವನ, ರೇಸ್‌ಕೋರ್ಸ್ ರಸ್ತೆ, ಬೆಂಗಳೂರು. ದೂರವಾಣಿ :080-22352901 /22352909 /22352903 Email : kstdc@vsnl.in

ಮುಖಪುಟ /ನಮ್ಮ ದೇವಾಲಯಗಳು