ಮುಖಪುಟ /ನಮ್ಮದೇವಾಲಯಗಳು 

ರಾಜೇಶ್ವರಿ ನಗರ ನಿಮಿಷಾಂಬಾ ದೇವಾಲಯ

Nimishamba devi temple, rajeswarinagar, bangalore, Rajeswarinagar, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ಬೆಂಗಳೂರಿನ ರಾಜರಾಜೇಶ್ವರಿನಗರದ ಪಕ್ಕದಲ್ಲೇ ಇರುವ ಬಡಾವಣೆ ಐಡಿಯಲ್ ಹೋಮ್ಸ್. ಸುಂದರ ಪರಿಸರದಿಂದ ಕೂಡಿದ ಈ ಪ್ರದೇಶದಲ್ಲಿ ಶ್ರೀನಿಮಿಷಾಂಬಾ ದೇವಿ ದೇವಾಲಯವಿದೆ. ಮುಕ್ತಿ ಪ್ರದಾಯಿನಿ ಎಂದೇ ಕರೆಸಿಕೊಂಡಿರುವ ನಿಮಿಷಾಂಬಾ ಇಲ್ಲಿ ನೆಲೆಸಿ ಭಕ್ತಕೋಟಿಯನ್ನು ಹರಸುತ್ತಿದ್ದಾಳೆ.

ಮುಖ್ಯರಸ್ತೆಯಲ್ಲಿಯೇ ಕೆಂಪು ಲ್ಯಾಟರೇಟ್ ಶಿಲೆಯಿಂದ ನಿರ್ಮಿಸಲಾಗಿರುವ ಹೆಂಚ್ಚಿನ ಛಾವಣಿಯ ಈ ದೇವಾಲಯ ದಕ್ಷಿಣ ಕನ್ನಡ ಮತ್ತು ಕೇರಳ ಭಾಗದಲ್ಲಿರುವ ದೇವಾಲಯಗಳನ್ನು ನೆನಪಿಗೆ ತರುತ್ತದೆ.  ಮೆಟ್ಟಿಲುಗಳನ್ನೇರುತ್ತಿದ್ದಂತೆಯೇ ದೇವಾಲಯದ ಎದುರು ಇರುವ ಗರುಡಗಂಬ, ಅದರ ಪಕ್ಕದಲ್ಲೇ ಇರುವ ಸಿಂಹದ ವಿಗ್ರಹ ಹಾಗೂ ಬಲಿಪೀಠ ಮನಸೆಳೆಯುತ್ತದೆ.

2006ರ ಮೇ 7ರಂದು ಪ್ರತಿಷ್ಠಾಪಿಸಲಾದ, ದೇವಾಲಯದ ಪ್ರವೇಶಕ್ಕೆ ಮುನ್ನ ಎಡ ಮತ್ತು ಬಲ ಭಾಗದಲ್ಲಿ ಶಿವಭಾಸ್ಕರ ಮತ್ತು ಕಾಲಭೈರವೇಶ್ವರನ ಪುಟ್ಟ ಗುಡಿಗಳಿವೆ. ಒಳಗಿನ ಪ್ರಾಕಾರದಲ್ಲಿ ಬೃಹದಾಕಾರದ ಮರದ ತೊಲೆಗಳಿಂದ ಕೂಡಿದ ಮೊಗಸಾಲೆಯಿದೆ. ಎದುರು ಇರುವ ಗರ್ಭಗುಡಿಯಲ್ಲಿ ನಿಮಿಷಾಂಬಾ ದೇವಿಯ ಸುಂದರ ವಿಗ್ರಹವನ್ನು ಪ್ರತಿಷ್ಠಾಪಿಸಲಾಗಿದೆ.

Nimishamba devi temple, rajeswarinagar, bangalore, Rajeswarinagar, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ದೇವಿಯ ಗರ್ಭಗೃಹದ ಹಿಂಭಾಗದಲ್ಲಿ ಪುಟ್ಟ ಪುಟ್ಟ ಗುಡಿಗಳಿವೆ. ಮೊದಲ ಗುಡಿಯಲ್ಲಿ ಸಿದ್ಧಿವಿನಾಯಕನ ಸುಂದರ ವಿಗ್ರಹ ಪ್ರತಿಷ್ಠಾಪಿಸಲಾಗಿದೆ. ಪಕ್ಕದಲ್ಲಿರುವ ಮತ್ತೊಂದು ಗುಡಿಯಲ್ಲಿ ಲಕ್ಷ್ಮೀನಾರಾಯಣ, ಮೌಕ್ತೀಶ್ವರ, ಸರಸ್ವತಿಯನ್ನು ಪ್ರತಿಷ್ಠಾಪಿಸಲಾಗಿದೆ.

ನೈಸರ್ಗಿಕವಾದ ದೇಸೀ ಬಣ್ಣ,  ದೇವಾಲಯದ ಒಳಗೆ ನೇರವಾಗಿ ಸೂರ್ಯನ ಬಿಸಿಲು ಬೀಳುವಂತಿರುವ ಮಾಡಲಾಗಿರುವ ವಿನ್ಯಾಸ ಕಣ್ಮನ ಸೂರೆಗೊಳ್ಳುತ್ತದೆ.

ಶಾರದಾದೇವಿಯ ಗುಡಿಯ ಮುಂದೆ ಇರುವ ಗೂಡಿನಲ್ಲಿ ಮುಂಡಿನಿ ಮತ್ತು ಆಂಜನೇಯನ ವಿಗ್ರಹಗಳನ್ನು ಪ್ರತಿಷ್ಠಾಪಿಸಲಾಗಿದೆ. ದೇವಾಲಯದ ಎಡಭಾಗದಲ್ಲಿ ಅಷ್ಟಕೋನ ಸಮತಲಾಕೃತಿಯಲ್ಲಿ ಯಜ್ಞಶಾಲೆಯನ್ನು ನಿರ್ಮಿಸಲಾಗಿದೆ. ಇಲ್ಲಿ ಪ್ರತಿ ನಿತ್ಯ ಬೆಳಗ್ಗೆ ಚಂಡಿಕಾ ಹೋಮ ನಡೆಯುತ್ತದೆ. ಹೀಗಾಗೇ ನಿತ್ಯ ಚಂಡಿಕಾಹೋಮ ಸ್ವೀಕೃತೆ ಎಂದು ನಿಮಿಷಾಂಬಾದೇವಿಗೆ ಕರೆಯುತ್ತಾರೆ.

ದೇವಾಲಯದ ಕೆಳಗೆ ಧ್ಯಾನಮಂದಿರವಿದೆ. ಅಲ್ಲಿ ದಕ್ಷಿಣಾಮೂರ್ತಿಯನ್ನು ಪ್ರತಿಷ್ಠಾಪಿಸಲಾಗಿದೆ. ನಿರ್ಮಲವಾದ ಪ್ರಶಾಂತ ವಾತಾವರಣದಲ್ಲಿ ಧ್ಯಾನ ಮಾಡಿದವರಿಗೆ ನವಚೈತನ್ಯ ಮೂಡುತ್ತದೆ. ಮನಸ್ಸು, ದೇಹ, ಹೃದಯ ಹಗುರವಾದಂತೆ  ಭಾಸವಾಗುತ್ತದೆ.

Nimishamba devi temple, rajeswarinagar, bangalore, Rajeswarinagar, our temples, ourtemples.in, Karnataka temples,  kannadaratna.com kannada, temples of Karnataka, ಕನ್ನಡರತ್ನ.ಕಾಂ, ನಮ್ಮ ದೇವಾಲಯಗಳು, ಕರ್ನಾಟಕದ ದೇವಾಲಯಗಳು.ನಿಮಿಷಾಂಬಾ ದೇವಿಯ ಅವತಾರ : ನಿಮಿಷಾಂಬಾ ದೇವಿ ಆವಿರ್ಭವಿಸಿದ ಬಗ್ಗೆ ಒಂದು ಕಥೆ ಇದೆ. ಕ್ರಿ.ಶ. 1548ರಲ್ಲಿ ಶ್ರೀರಂಗಪಟ್ಟಣವನ್ನು ಆಳುತ್ತಿದ್ದ ದೊರೆ ಸುಮನಸ್ಕ ಲೋಕ ಕಲ್ಯಾಣಾರ್ಥವಾಗಿ ಹಾಗೂ ತನ್ನ ಜನರ ಕ್ಷೇಮಕ್ಕಾಗಿ ಯಾಗವನ್ನಾಚರಿಸಲು ನಿರ್ಧರಿಸಿ,  ಋಷಿ ಮುನಿಗಳಿಗೆ ಈ ಕಾರ್ಯ ಒಪ್ಪಿಸಿದನಂತೆ.

ಋತ್ವಿಜರು ಈ ಯಾಗ ಮಾಡಲು ಸ್ಥಳ ಶೋದನೆಗೆ ತೊಡಗಿದಾಗ ಶ್ರೀರಂಗಪಟ್ಟಣ ಬಳಿಯ ಗಂಜಾಂ ಸಮೀಪದ ಕಾವೇರಿ ತಟವನ್ನು ಆಯ್ಕೆ ಮಾಡಿದರು. ಯಾಗ ಆರಂಭವಾದಾಗ ಇಲ್ಲಿದ್ದ ಸುಮಂಡಲ ಮತ್ತು ಜಾನು ಎಂಬ ಇಬ್ಬರು ರಕ್ಕಸರು ಯಾಗಕ್ಕೆ ಪದೇ ಪದೇ ಅಡ್ಡಿಪಡಿಸಲಾರಂಭಿಸಿದರು. ದಾರಿ ಕಾಣದೆ ಋಷಿ,ಮುನಿಗಳು ದೇವಿ ಆದಿ ಪರಾಶಕ್ತಿಯ ಮೊರೆಹೋದರು.

ಆಗ ತಾಯಿ ನಿಮಿಷಮಾತ್ರದಲ್ಲಿ ಹೋಮಕುಂಡದಿಂದ ಆವಿರ್ಭವಿಸಿ ದುಷ್ಟ ಸಂಹಾರ ಮಾಡಿದಳು. ತಾನು ಇಲ್ಲಿಯೇ ನೆಲೆಸಿ ಬೇಡಿ ಬರುವ ಭಕ್ತರ ಸಂಕಷ್ಟವನ್ನು ನಿಮಿಷ ಮಾತ್ರದಲ್ಲಿ ಬಗೆಹರಿಸುವೆ ಎಂದು ಹೇಳಿದಳಂತೆ. ಹೀಗಾಗೇ ತಾಯಿಗೆ ನಿಮಿಷಾಂಬಾ ಎಂದು ಕರೆಯಲಾಗುತ್ತದೆ..

ಬೆಂಗಳೂರಿನಲ್ಲಿರುವ ಈ ದೇವಾಲಯ ನಿಮಿಷಾಂಬಾದೇವಿ ಭಕ್ತಾದಿಗಳ ಟ್ರಸ್ಟ್ (ರಿ) ಆಡಳಿತಕ್ಕೊಳಪಟ್ಟಿದೆ. ಈ ಟ್ರಸ್ಟ್ ನ ಗೌರವಾಧ್ಯಕ್ಷರು ವಿಶ್ವೇಶತೀರ್ಥ ಶ್ರೀಪಾಂದಗಳು. 

ಮುಖಪುಟ /ನಮ್ಮದೇವಾಲಯಗಳು